təşkil etdiyi yeni təlimlərindən birini də müvəffəqiyyətlə
başa vurdu. Təlim ilk olaraq şirkətimiz haqqında iştirakçılara məlumat verilməsilə
başladı. Bundan sonra ASR konsaltinq və araşdırma qrupunun idarəetmə məsələləri
üzrə mütəxəssisi və Azmarketinq MMC-nin İcraçı direktoru Orxan İsayev təlimə
start verdi. Təlimçi iştirakçılara idarəetmənin funksiyaları, müəssisədə
menecerlərin növləri və fəaliyyət şəkilləri və departamentlərin fəaliyyət
mexanizmi haqqında həm nəzəri eyni zamanda həm yerli həm də xarici şirkətlərdən
praktiki nümunələr gətirdi. Təlim interaktiv keçməklə yanaşı şirkət nümayəndələrinin,
məzunların və s. iştirakçıların təlimçiyə suallar ünvanlamaqla təlimə
qatılmasını təlimçi təşviq etdi. Onu da qeyd edək ki, təlimdə 12 nəfərdən ibarət
olmaqla bir sıra şirkətlərin 1-ci xətt menecerləri, işçiləri və məzunların iştirakı
ilə müşayiət olunmuşdu. Orxan müəllim təlimin sonralarına yaxın keçirilən təlimin
hörmətli iştirakçılar tərəfindən mənimsəmə dərəcəsini yoxlamaq üçün menecmentin
funksiyalarına dair test təqdim etdi. Bununla yanaşı xarici şirkət misalında məqsəd
nəzəriyyəsindən istifadə etməklə şirkətin öz səmərəliliyini necə artırdığına
dair video rolik təqdim etdi. Təlimin mənimsəmə dərəcəsini yoxlamaq üçün verilən
testlərin ən çətininə 1-ci düz cavab verən İqtisad universiteti təhsilli Aygün
xanıma təlimçi tərəfindən müəlliflərindən biri olduğu “İdarəetmənin əsasları” kitabı hədiyyə edildi. Bundan sonra növbəti təlimlərin
təşkilini və tədrisinin inkişafını artırmaq
üçün ASR konsaltinq və araşdırma qrupunun təlimlər üzrə koordinatoru Elmir müəllim
tərəfindən iştirakçılara qiymətləndirmə formu təqdim edildi. Təlimin sonunda
iştirakçılar təlimi çox bəyəndiklərini və eyni zamanda yeni təlimlərdə iştirak
etmək arzularını ifadə etdilər. Onu da xatırladaq ki, təlim iştirakçılarına
şirkətimiz tərəfindən sertifikat təqdim ediləcəkdir.
